清炒土豆絲

二人世界吃飯，想吃得簡單之餘，亦想轉轉口味。

家中正好有一隻薯仔，綜合各個網頁，我認為呢個清炒土豆絲比較靠譜。

薯仔削皮後，切薄片，再切絲。用清水浸洗幾次，去除粉質。

沖洗幾次後，再於最後一次浸洗加入約一湯匙白醋，浸幾分鐘，再過水，隔水備用。

期間，你可預備蒜蓉。

用油起鑊，加入蒜蓉爆香，可酌量加少少雞粉及鹽，而我則加了大地魚粉及鹽，將薯絲倒入兜炒，兜勻後可加蓋焗片刻(約數十秒)，之後放少少糖吊味，炒多數下就可上碟。

我再添少少蕃茜裝飾一下，就變成經濟抵食的一味家常小炒了。