華姐生日飯@御膳

今餐我地食私房菜。

間店係觀塘廠區，對我黎講有D難度。

我初初想搭巴士係近apm果頭落架，後尾覺得下一個站落會近d，就諗住試下啦。

我一路睇住GPS，自己摸去，都好順利。只係到要搭送貨電梯，就有d嚇親咁咯。

菜單如下:
麻辣鹵水大拼盆 
花雕蛋白蒸龍躉球
大肉蟹２只，可選花雕雞油蛋白蒸，避風塘炒，薑沖炒，胡椒炒，四川香辣炒
蒜蓉粉絲蒸大蟶子皇７只
流沙黃金大海蝦７只
士多啤梨骨
金華玉樹雞半只
蒜蓉炒時菜
蟹油銀芽炒面
大西瓜盅一個
每位$340,
7位用，免加一

現金結賬可贈送小食
(2-4位一款)(4-8位兩款)(8位以上三款)
麻辣豬紅
蒜香蘿蔔
桂花糖蕃茄
泡椒雞腳
手拍青瓜
風味雞翼尖

先黎頭盆麻辣併盆，金錢肚、豬大腸、青瓜雞絲

送既桂花糖蕃茄、手拍青瓜

豬大腸冇咁辣，其餘兩款都幾辣。

蒸蟶子

我係黑仔王，拎左最近自己果隻黑砂蟶子，中伏。

黃金蝦，反而呢味就唔錯，D殼都好味，蝦頭入面都乾淨。

花雕蛋白蒸龍躉球，蒸得幾好，唔算鞋。

士多啤梨骨

金華玉樹雞，呢味菜，我細個時同老豆出去食飯，算潮食黎架。

花雕蛋白雞油蒸大蟹，有少少蒸過火。

D殼好厚，又唔係卜得好夠，都食得幾狼狽。 食剩幾件。

炒白菜仔

炒麵都好食

最勁係呢個西瓜盅

一人兩件，都仲有三舊剩。

睇下隻膠叉就知佢有幾大件。

食完返到屋企，十一點半，我六點出門口，即係要五個半鐘先出去食餐飯，算幾遠架啦。