估唔到呀，居然俾我趕得切呀！
呢幾日，始終提唔起勁去做年禮．一拖再拖，終於等到年廿九，先叫做肯的起心肝搞搞佢．
尤幸天氣乾燥，睇怕初二都可以順利拎去團拜啦！
首先，當然要準備好意頭既牌牌啦，年年有餘就最應景啦！
又咁橋，係臨尾呢個星期五，俾我搵到份南華早報送既廣告書皮，真係靚到不得了，叫我點捨得唔拎黎用吖．所以就係咁，連一寸大既靚靚底盆都有埋．
啲底盆係咪好正呢，照得見人架．
唔打算再油顏色啦，乾唔切架啦．
一共做咗一打：
點解少咗條？咪就係前幾日試玩果條咯，有少少樣衰，都侵埋佢玩啦！
我係度恭祝大家，新春行大運，好事陸續來！
沒有留言:
張貼留言