兔年願望成真大法

都幾鍾意係公司收信架，就算全部都係公文，都可以拆下信，調劑下．

呢日就收到一封郵件：

願兔年的開始，為你帶來新的動力和希望。

身體健康！萬事如意！心想事成！兔氣揚眉！常常喜樂！身心康泰！福杯滿溢！靠主得力！

送上小小心意，願小白兔為你帶來一點小祝福！

哎吔！郵差哥哥將兔兔壓扁咗呀！點算好？唔怕，原來兔兔只要你誠心宣告，佢就可以肥肥白白咁係你面前架啦！

1. 兔兔放係手心
2. 面對佢誠心宣告：「兔兔係我手，健康財富我乜都有，有主相伴更無愁，日日開心永無憂！」
3. 大大啖咁同兔兔嘴對嘴人工呼吸～，看清楚，勿將口仔同Pat Pat攪錯哦！
4. See….肥兔出現啦！

唔得？唔夠誠心呀！誠心ｄ再黎過啦！

祝福你！

Candyjai

難得佢用手寫呀，咁多字，比著我，大條道理用機印呀！

睇完真係忍唔住笑，唔通真係要同佢人工呼吸？我．．．好守嘴如玉架喎．．．

不如出下術啦，伸枝紙包飲品飲管去吹？用鉛子筆芯啦．

佢冇投訴喎

咁就進行簡單而隆重既點睛儀式啦．

人地係女仔黎，有長長既睫毛架．

就粘係我部電腦頂，順便請佢同我看住兩金啦！