誰知道大廈維修外牆，剛好在冷氣機旁鑽牆，檢查/更換冷氣去水喉管，一時間石塵入屋，房間煙霧迷漫。
大小不良當時都係屋企，小不良一開房門見到咁大塵，心諗：我未戴CON唧，睇野唔駛咁矇掛？
大小不良見到，心知不妙，即刻拎個垃圾膠袋頂住。可惜兩個都死蠢又唔用腦，用膠紙貼住爿牆黎固定個垃圾袋。
睇下，大家估都估到，之後要搣返個垃圾袋出黎，我爿牆仲駛唔駛要呢？
我當然有投訢啦：我新油既油漆實爛晒啦！
小不良：依家Ｄ漆油點會咁差呀？（呢Ｄ就係冇常識啦）
我: 你地可以沿住個冷氣機殼貼膠紙架，反正冷氣機側邊又冇隙縫既。
大不良：咁情況危急嘛..... 你慢慢搣返Ｄ膠紙出黎咪得咯。
油漆早就用晒啦，唔通再買罐細既返黎玩呀？
你地話啦，係咪冇仇報吖！
hahahahaha~妳又要再油油了!
回覆刪除我就冇咁好氣啦, 咪由得佢咯, 我又唔會請人黎我度坐既.
刪除唉!算啦!改不了的事實
回覆刪除都冇計啦，佢地成日都係咁大破壞力既。
刪除買個大相框框住佢啦不如~~ ^^!!
回覆刪除咁不如我自己玩畢家索好過啦.
刪除(路過) 搣個時，可以試下先用風筒吹熱D 膠紙先搣，可能情況會好D的。 (賣牆貼的人教的，就算係話搣出黎會無事的牆貼，搣時都最好吹熱左先搣)
回覆刪除多謝你既貼士喎，但佢已經搣甩左好多，怕我睇到，咋咋帝帝就咁剪走個垃圾袋，留低個膠紙框係外圍。
刪除又有油牆假期！
回覆刪除唯有當自己時運高，睇唔到啦。
刪除噢no!又要重新油過...難為了你
回覆刪除哈哈哈，越幫越忙。
回覆刪除用你既巧手加D裝飾遮住咪得囉.
回覆刪除留言要核准咁得意既.
回覆刪除隔咗成七年，呢D要審核既留言先彈出黎，認真厲害，我到依家先睇到呢!
刪除呀!!有辨法～全部轉埋色再油過米得囉///////呵呵！
回覆刪除咁你黎啦! (隔咗成七年，呢D要審核既留言先彈出黎，認真厲害，我到依家先睇到呢!)
刪除哈哈!當用錢買個教訓囉!我相信下次佢地會識得點黐膠紙架喇!
回覆刪除佢地轉個頭就會忘記我既咆哮架啦.
刪除唔見左我尋日既留言既?
回覆刪除你可以用巧手去裝飾遮住D痕呀.
刪除我改返留言設定之後，唔見有你喎。
刪除我真係冇咁好氣，唔通咁高都走去描花咩。