大家一向崇尚ｘ孖記，因為佢係腐乳中既名牌．我地細個果陣已經識得呢個品牌，但因為佢價錢貴，我地多數都係買返珠江橋牌既．
在我黎講：腐乳之麻，又唔係高科技，珠江橋牌可以企到咁耐，一定有佢既道理既．從前屋企既生抽同草菰老抽都係用佢，硬係覺得其他醬油煮出黎既野唔係咁啱味．
早幾個月，爸爸專誠駕車三次去ｘ孖記買腐乳．
第一次，星期日休息喎！
第二次，去到六點，閂咗門！
第三次，買到啦，仲驚死蝕底，買夠兩樽！
點知．．．我地充滿期待咁，開一樽，小心地夾一磚出黎食下．．．
咦．．．乜咁既？
講真吖，我咁大個人，真係食過唔少牌子既腐乳架啦，連ｘ樹牌都好過佢．．．．真係破壞晒我既童年回憶呀！
好彩，超市好容易買到既美ｘ棧，都唔錯．我好快就轉軚啦．
舊年，我係中環搵到九龍醬園．老字號，用心做醬油及調味料既店．呢度既酸子薑都幾好食架，用黎夾點點綠既皮蛋就正晒啦！
呢一大樽腐乳，要七十個大洋，當然有細樽ｄ既包裝啦，我貪心麻．
真係唔錯，即刻夾一磚黎試下搽麵包．
嗄？你未聽過咩？得架，怕咸咪唔好搽咁多咯，雖然依家冇乜幾可咁做，但我細過就係咁食架啦．
睇下呢盆花花既包裝盒，係咪好靚呢？其實佢環保物料變身架．
張銀色卡紙係廣告書皮黎，係就係有少少瑕疵架啦，但唔多覺既．
而個膠盒呢，係甘夫人送俾我果盒朱古力既包裝盒黎．
咁點整走張Label好呢？坊間常用既方法有：
（一）用風筒吹，跟住撕走張label，但有機會留下膠漬，亦不適合用於呢個膠盒．
（二）撕走label表面果一層，然後塗上潤膚霜，再嘗試撕走餘下的label．但若遇上頑強的膠貼層，仍然會死命粘實物件表面．
咁點算好呢？
再教你另一個簡易辦法．
這是撕走label留下的痕跡，尚有部分膠層及紙纖維留低．
可以用任何葯油，白花油或驅風油
塗一點在label遺跡上
讓油份滲入去
接著就可以輕易刮除label遺跡，如有頑固膠漬留低，可以多放一滴葯油，再抹拭
大功告成！
上次我隨手拎咗枝活絡油，去整走上面個朱古力盒既膠漬，仲以為會留低ｄ味道，等媽打可以聞一聞，立即醒神添．點知放一排就冇晒味lu！
今年收咗好多聖誕卡同禮物，真係幾多下，好多謝大家既愛護！
熊仔袋裝住既係印度婆婆送我既蠔油
同芒果占
呢套係得意模具黎，我暫時未諗到整乜住，保持神秘感先．
呢份禮物包成咁，睇死你地都估唔到係乜架啦．
拆出黎竟然係一個波波
入面係波波朱古力
又收到Dr. Mario糖糖啦！
一樣咁軟淋淋
仲有呢款好似皮禮士既糖糖
當然唔可以唔提呢盆花花啦
我對化妝品及護膚品冇乜研究，亦不知道咩為之名牌，但收得多，都知邊個牌子熟口熟面既
原來係沐浴露同潤膚露
一睇呢張卡，真可愛，當然係兩母女送俾我架啦．
仲有一盒朱古力添
買呢ｄ禮物果位，預埋我阿仔
我第一個揀先，有紫，粉紅，綠，藍同白，我梗係要白色啦！
一盒松露朱古力
呢盒東東，見到就開心啦！
咁大盒，點可以唔開黎食架！
幾咁開心！
我係一個大鄉里，又見多一個品牌啦
潤手霜用得多啦，但呢盒仔Solid Perfume就真係未試過喎．
多謝pri既手作卡，佢咁忙都整張我歎下，仲有埋清理印仔既膠添．
Eunice既靚靚手作匙包
連豬瑩都醒我一張卡呀！
呢個信封都咁認真，你地估係邊個？
係桃子呀！呢期玩浪漫溫馨．
阿仔買俾阿媽既披肩，超柔軟
神託會既愛心曲奇，最得意果塊聖誕樹俾阿仔食咗呀．
見到有ｄ想尖叫既Royce，三億五千萬年前學過既日文，早就俾返晒先生啦．但勉強都知佢寫乜既，外層係香噴噴既士多啤梨朱古力，入面係Raspberry同Blueberry既夾心．
Mimi既簡單而複雜既手作卡，條masking tape真係夠晒配襯呀．
一隻蝴蝶？
係Candyjai送我既青豆電話繩呀！
Aiyar Bro送我既俄B原理套裝娃娃
要自己動手油架？但ｄ顏色黎到果陣漏到四維都係喎．．．．唔夠油點算？
將平安夜故事人物用係俄B度，呢條橋都幾好，證明天使係最大既！
TATA，我梗記得你啦！
呢款係教會出既天糧曲奇
小熊做既卡卡，好易認
嘩！連魚肚都有呀！
日本朋友送既卡卡同俾Bibi既利是．
狀似慕司蛋糕既日本朱古力，唔知好唔好味既呢？
送俾我果位話因為呢ｄ野似我玩開果ｄ粘土喎．
荷蘭朋友唔曉手作，但攝影技術搭夠，送我西藏美景．
知唔知咩叫幸福呀？Tiramisu聖誕樹呀！！！
好多謝嬸嬸又賜我幸福滋味，真係無以為報咯．
今年皇恩浩蕩，竟然下午食完晏仔就放學啦，我地全公司去咗康樂大廈食．
餐單都算唔錯，呢碟太雕玻璃蝦球，下面係蒸蛋白黎．
腿蓉醬炒甜豆同帶子
呢件銀雪魚窩巴，好睇唔好食，唔鍾意酸甜菜式．
其餘既冇乜特別，冇影到．雖然我食完返咗公司做野，都係平日咁上下放工時間走．但既然佢俾得大家放半日，心入面都好感恩既．
