快脆釀豆卜

釀豆卜，可以好簡單，要偷懶，實在太易．

可以買現成既豆卜

同埋早就調晒味既魚肉（即魚滑），想好味ｄ既，可以自行加料，例如浸軟兼切碎既蝦米／蝦乾，或者再加ｄ蔥都得．

不過，一個街市，總有好幾檔有魚肉賣，試到好食為止，做佢既忠實擁躉啦．

豆卜沖洗後抹乾，斜角切開兩件．睇下，我ｄ豆卜幾靚，唔係通心架．

用小鐵匙底部把魚肉塗上豆卜既切面，釀時按壓一下就得架啦（豆卜入面既窿仔會幫你夾住ｄ魚肉既），唔一定要塗生粉既，冇咁易甩架．

煎時先放油，先煎釀了魚肉的一面

如果你是即時用來炆蘿蔔或其他菜式，甚至打算用來打邊爐或做一品煱的話，煎到魚肉果面金黃色就可以夾起架啦．

如果你係就咁食既，可以再煎埋其餘幾面．

要確定魚肉熟透同每一邊豆卜都煎到淡咗色就得啦．食果陣，豆卜皮係應該脆脆地既．

如果你慢慢火煎，應該唔會太燶既，見唔見呀？我都唔小心整燶咗幾粒．

煎唔熟，因住食瓜你呀！