拿，Bibi，又一味簡單菜式，可以呃下人啦．
材料只要急凍蝦仁同蛋咋．點解唔用新鮮蝦？我冇去街市麻．
將蝦放在雪櫃下格解凍，沖洗抹乾，再片成兩邊，順手隨去蝦腸．點解唔起雙飛去炒？咁整見食ｄ麻，炒出黎會好似好多蝦咁架．
用胡椒粉同鹽（或者魚露）調味
ｄ蝦多得滯添，就留返一半聽日煮伊麵食．(如果你係炒黎成班人食飯既，咁你用六隻蛋就炒晒佢啦．)
再加少少鷹粟粉，撈勻．
有機蛋三隻
加少少鹽打勻
先用少少油爆炒蝦仁
炒熟ｄ都得，因為蛋好快熟既．
因為我用易潔鑊，唔再加油都得啦．
拋一拋鑊，就反好身啦．
呵呵，係咪蝦多過蛋呢？可以開飯啦．
話你地知吖，我只係用一對筷子去煮呢碟餸架咋．
沒有留言:
張貼留言