珍珍薯片，我細個就食得多啦．從前係零食界都算好出名架，仲賣晒廣告既．
但後來卡樂B漸漸蓋過佢既風頭，就變得越來越沉靜兼夾唔起眼．就算出埋ｄ新口味，我都冇乜興趣試，食咗都唔多覺好，感覺上好似好多味精咁．
今次逛超市，就係俾五重奏呢幾個字吸引過去．冇戴大眼仔，好不容易先睇到原產地：泰國．
失覺晒．．．
$9.9兩包，於是我就買晒兩包啦．
先開咗黃色果包，真係幾好食喎，夠脆，但又唔會覺得好熱氣．又唔甜，要黎送熱飲就非常適合啦．
一包有七小包，每包得一塊架咋，分庄之後，留返兩包俾Bibi試下．
相對黎講，朱古力味就遜色得多啦，或者我對朱古力既要求比較高，所以佢既得分較低．
沒有留言:
張貼留言