生日禮物2011

我屋企就從來都唔會同我慶祝生日既，多謝大家既厚愛，今年都得到好多祝福．係呢度，我要衷心多謝咁多位有心人．

呢份係我今年收到既第一份生日禮物，踏入八月冇耐已經寄到我手．

好靚既手作卡，係當時既準媽媽桃子送俾我架！佢驚生咗阿B之後會唔得閒，所以八月一到就托差叔叔寄俾我啦．仲有一枝潤手霜添．最近秋風起啦，睇怕都要為雙手預備一下啦．

未幾，Fiona又寄來了她的心意：

咩黎？

係自鈎萬子夾容器及彩色雙腳釘，仲有一塊橡皮添！
呢兩個月，我多咗好多塊絕版橡皮．．．．好多謝大家同我分享，令我存貨充足！

呢本食譜書，我早就係圖書館借過返黎，真係有料到既，實在有收藏價值，所以我屈Bibi用佢果張獎學金書券買俾我．

阿草寄黎既奸笑熊仔，佢話順便賀埋Bibi中學畢業．

同事知我鍾意試新野，

送我呢盒火腿芝士味百力滋，真識做．

多謝兩位好朋友，精心安排溫馨生日飯，仲有手作藍莓乳酪蛋糕添！



呢ｄ閃星星，真係令到個蛋糕生色不少．

餐廳的侍應好好人，細心取出結他形打火機，為我點上蠟燭．

許個願就可以切蛋糕lu!



嘩！真好味，我會好好記住呢種味覺回憶既．

多謝你啊，Ann!

P.S. 我地果晚既飯局設在屯門既"匠"，佢地不單幫忙收埋同雪住個蛋糕，仲提供食具等你地慢慢食，如果人少少，大家都可以考慮下黎呢度食．仲有：佢地既湯底好夠滾熱辣，呢ｄ係我食湯麵既終極要求黎，如果你地都鍾意ｄ野夠熱既，就啱晒啦！