拍住拖過生日

D同事要係廿八號果晚同Bibi farewell，所以佢提早一晚同我拍拖食飯。今次係佢第一次用佢自己搵返黎既錢，訂檯請我食飯。




我已經廿幾年冇去過呢間野啦，想當年都係一大棚人去擦餐勁既，童子雞、片皮鴨、賽螃蟹、拔絲香蕉等等，都係要多D人分享先得既。

得兩個人，只可以隨量叫啦。所以我地只點了三樣野:冷盆, 小炒, 點心

麻醬, 芥辣分開上, 雞絲粉皮一上檯, 侍應阿叔即刻同我地加d醬油入麻醬芥辣度, 然後幫我地撈勻.

呢度既粉皮零舍出色, 有返少少厚度, 亦夠彈牙.

芙蓉炒三鮮, 大量蛋白, 入面有鮑片, 蝦仁等, 夠清淡

用黎送炸銀絲卷食, 就相當好啦.

呢度既甜品太重手啦, 所以我地食完就埋單, 轉過另一架步, 再食甜品.

許留山既甜品賣相都幾精彩

我地睇中呢款飲品巡禮:

雖然實物同相片顏色有偏差, 但都相當好味.

每杯下層都係果凍狀既物體, 有斑蘭配西瓜, 又有蘆薈搭芒果, 椰子配香芒等, 味道清甜. 兩母女, 你一啖, 我一啖, 甜蜜溫馨.

第二日, 就輪到爸爸啦, 我地又去咗食自助素, 今次爸爸就貪心啦, 畢咗好多餸, 都只係係海帶蕃茄雜菜湯, 臭草綠豆沙, 味道亦可口.