香菰梳打餅

呢款餅，$10.9，一D都唔貴既。我見佢好似克力架咁款，如果佢保持最佳狀態既話，應該都唔會差得去邊既。



真係未食過冬菰味既餅，其實只要加D冬菰水入去搓麵糰就得架啦，但就好少咁既產品喎，唔知點解呢?

入面仲加埋胡椒粉，令佢更有特色。

雖然我一早起身未想食野住，但昨晚爸爸已經將佢開封，我點都要係佢最光輝燦爛時試下架麻。

咁好啦，我搣一角試下味，質地算鬆化，比一般既克力架脆，質感有D似超市買到既鉸鉸餅。

呢款係全素既餅乾黎，所以都好適合嚴守規條既素食者架。