其實整蔬菜係好入門既項目黎, 好多人初學麵粉花都做過, 有經驗既朋友, 都知道做呢d東東其實唔係咁難, 只係爭你想求其做, 定認真少少去做咁唧.
以我個人既體驗, 其實只要改少少, 就會令果件製品靚好多. 我試做蕃薯同薯仔時, 都覺得佢地麻麻似，絕對有改善既空間！
第一，生ｄ根出黎既眼仔點會咁大吖？要用再幼細ｄ既針去拮就差唔多．果ｄ根呢，就唔應該用麻線黎做，太粗太硬啦, 計我話呢．．．用麻繩再絲開，揀最幼細既黎用就差唔多啦．
蕃薯係咩形都有既，求求其其都得架, 介少少痕, 督幾隻眼仔, 粘少少根上, 大至上都可以交貨, 係要補少少泥色上去唧．
呢款荷蘭豆係我自己玩出黎既，我真係有預先做咗入面ｄ豆豆先包起佢架，而且荷蘭豆平邊果條邊我仲有介返條直紋出黎，夠認真架．最後再加蒂，可惜果陣我未係好知點做，只係求其粘上去就算．你地睇緊既已經放大咗好多架啦, 清唔清楚呀?
沒有留言:
張貼留言