我一向煮野都力求快靚正，叫做有肉有菜既懶人餐實在都好易做．
呢味就係Bibi都煮到既金菰肉碎燴菜心金粟飯啦！
顧名思義，材料就係金菰，肉碎，菜心，粟米加薑片啦．
金菰，洗淨切碎
肉碎，用豉油，鹽，糖調味，再加粟粉撈勻
菜心，洗淨切粒
粟米，拖拖水就得啦（即係用滾水灼佢半分鐘啦）
做法：
用油爆薑片，炒肉碎至半熟；
話明係懶人餐，梗係依家掉埋ｄ金菰同菜心入去兜啦；
炒一陣就加水同粟米，加ｄ鹽添；
煮滾咗，再煮多一分鐘，ｄ肉碎就一定熟晒啦；
打獻，試味就上得碟架啦！咩話？白賴晒？食咁多調味做咩喎，咁款，啱架啦！
沒有留言:
張貼留言