九月桃花開?

啱啱先過重九，附近屋苑既桃花”林”已經有花開啦！（其實果度得一千零九棵桃花架咋）

開咗一千零兩朵花，第一朵睇得清楚ｄ，但第二朵角度唔啱，影唔到，你地細心ｄ賞下花啦．ｄ葉咁多，未谷到花蕾住，要ｄ葉跌得七七八八先有花掛？我都唔清楚喎，過年果陣ｄ桃花都係冇乜葉既．

爸爸話佢應該開始有運行啦，行緊桃花運喎！

跟住，呢個傻佬就走去街市度，買咗兩斤蝦，又走去河邊玩放生．

唉～～～，美其名話放生，十成九想玩之麻！仲好意思話我知添．

大家應該認得呢ｄ係咩蝦啦：

冇錯，係河蝦黎，爸爸冇同佢地黎個Good-bye kiss，就咁就倒晒佢地落水啦

ｄ蝦仔好快就搵到自己既地盤，仲眼仔晶晶咁，擺定甫士等爸爸影相添

呢款呢，係基圍蝦黎，放係呢條河度，唔知生唔生到既呢？

爸爸睇住佢地游黎游去半粒鐘先走既，睇怕都冇事掛．．．

仲識得約埋成班friends，聚一聚添

但係．．．．

河邊仲有好幾隻塘邊鶴喎！

佢地一路gup實水面情況，睇怕一陣都會嗒返幾隻蝦仔做點心架啦．

咁優美既環境，都算對得佢地住架啦．