或者真係老花太嚴重啦，不過，都唔排除自己極度托大同唔小心。
原本我係整咗兩條鯊魚既，仲諗住係上面加字：Never give up同Never too late既。
好順利咁寫好字，又轉印咗。第一晚整咗Never too late，整咗一半，收工。第二晚整埋其餘部份，再整埋Never give up，跟住先走去試印一下。
唉吔….. 唔係啦掛？乜反轉咗既？
話到明係Never give up既，我點可以放棄佢呢？
條魚係我畫既，一定有辦去改改佢既，反正都冇人知道佢地原本應該擺咩甫士架。
好！一於咁話，背鰭改臀鰭，條魚即刻溫馴晒，亦同時證明咗：只要肯做，Never too late!
通告：仲想整熊仔既朋友，仍然可以分材料架！（參閱：噢，熊仔！材料分享）
沒有留言:
張貼留言