天氣乾燥，梗係要煲ｄ糖水黎潤下啦．
原本白果腐竹薏米係最佳配搭黎，但我懶，費事搵薏米啦，一樣煮到唧．（其實加西米都唔錯架，但用洋薏米就滑ｄ）
材料（煲完約五碗份）：起碼都放六七碗水啦，二兩腐竹，白果十零粒，片糖一磚，薑片（落唔落都得）
做法：白果去殼及衣，用刀略為拍扁，放入水，要加薑既就加啦，煮到滾；
俾個近鏡你地睇下，扁扁地，爆晒咁咯．
腐竹，其實我在SSP樹記買既，當時買咗四兩，分兩次用．我係膠袋度整碎咗先．
水滾先放腐竹，如果腐竹靚，一放入去，就會好似咁架啦：軟晒身，而且好快散晒．靚野即係靚野，好快溶．
煮兩個字，已經見唔到一片片腐竹啦，咁如果再耐ｄ就會好似豆漿咁咯，又唔駛咁晒柴火既，呢個樣都接受到啦．
可以加糖啦，今次我用呢種香棗片糖，係就係貴咗少少，好味ｄ既，又唔係要放好多，是但啦！
因為係片糖，煮完出黎冇冰糖咁白架，偏黃既，但都好味架．睇唔慣咁款？咁你用返冰糖咯，煮完出黎就係咁既樣啦．
鍾意加蛋花既小朋友，就臨收火，凌空撞ｄ蛋汁入去啦！
沒有留言:
張貼留言