有機超大葡萄乾

行屯門市廣場，竟然見到源生坊係度擺檔！我都算係佢fans黎，支持下有機產品，一於幫襯下．

行埋去，諗住買自己食開果隻阿根廷有機超大葡萄乾，點知呀姐罐罐都俾我食下，食食下都撈到亂晒．有ｄ有核既，有ｄ冇核既．話就話有核既其實有益ｄ，但我終於揀咗呢款冇核，口感又un D既．我覺得佢相對黎講冇咁甜，亦可能係我心理作用都未定，或者咁啱我食定果粒冇咁甜既唧．

一粒都有我一截手指尾咁大．唔係，其實係大過既手指尾

面頭都見到提子既果糖啦

一罐有成六百克，唔係野少，只賣＄３５，其實唔貴．係就係好甜架啦，但對發育中既小朋友尤其有益，點都好過俾糖佢食吖．但係家有糖尿病既親友，就最好唔好買啦，佢地實偷食唧！

如果大家仲想買更好既，可以選另一款青綠色罐，深綠色膠蓋既阿根廷提子乾，一樣都係超大粒既，罐身高ｄ既，提子皮薄ｄ，會再貴ｄ，我以前就成箱咁買返黎，同ｄ同事分既．如果你有心機，仲可以係口入面，一路嗒，一路剝埋皮，食完層皮，再趙粒肉，都幾好玩架！

咁啱有我識得既師奶行過，我當然介紹佢買返罐啦．有我呢個咁好既客仔，佢地真係應該對我好ｄ呀！