茶禪樂

今天，破例參加爸爸朋友圈子的活動．跟他在茶禪班上認識的同學一起到城門水塘郊遊泡茶．

由荃灣乘小巴到總站下車，步行個多小時便到了．

這是從水源取得的水，我們就是以此來泡茶的．

今天的烹茶師是良哥，從頭到尾為大家泡製一款又一款的靚茶．

他帶齊一應茶具，茶盅，茶壺，茶杯，茶隔

水滾茶靚，各人讚不絕口．

連烹茶工具也齊備

大家一杯一杯地添飲，當然少不了吃些茶點．今次爸爸要求我為大家做紅豆糕，想不到一底糕點那麼容易毀滅．

除了我們這一組人外，後來亦多了另一班遊人到來．他們更帶備了各種食物，在此煮食呢！

這小妹妹叫慧慧，芳齡四歲，是我們的一伙．她竟然以美人計向上面那家人討來這果汁飲品，甚曉化緣的真諦．

我們逗留至下午十二時多就回程，到荃灣喝茶去．

有ｄ小插曲要講下：話說沿途遍地黃金，爸爸就叫各位鮮花千其咪踐在呢ｄ牛嘟上．有人就話啦：講開又講吖，某地方既人真係會拎呢ｄ牛嘟去煮咖啡架！

爸爸：係？煮出黎會香ｄ架咩？

友人：係掛．

爸爸：咁又唔奇喎，貓嘟都可以煮咖啡咯，或者真係牛嘟都得喎．

我：喂！睇怕人地只係拎去做燃料咋，你估真係搞入ｄ咖啡度煮咩！

我地去到目的地後冇耐，慧慧就同我講，我見到好大隻蜘蛛呀！（佢像個手勢，整到成個橙咁大）

我：我唔信！

慧慧：真架，你過黎睇下啦．

我：你呃我既，我唔去．

不過，後來我真係在爸爸背囊上見到個身橙色，好似黃豆咁大粒，但ｄ腳伸開就有幾寸長既蜘蛛呀！

原來佢冇呃我架！