漢堡神偷

麥記成日都有公仔同紀念品換架啦，一路以來，我都唔多有興趣既．

今次就唔同啦，係人地既blog入面見到佢，好合眼緣喎！

所以就想整返隻啦！拜山果朝，爸爸問我係咪想要漢堡神偷，係就不如去老麥買早餐．點知係門口個展示箱一睇，唉～八號先開始有得換呀！

八號果晚，爸爸要去幫人助唸，完咗之後，佢打返黎話自己係老麥食緊野．

我：咁你有冇買到漢堡神偷呀？

爸：冇喎．

我：咁你快ｄ返去櫃位小姐度，話剛才唔記得買個漢堡神偷俾個女（屋企個大女吖麻！），要買返啦！

好彩我醒咋，唔係就分分鐘冇架啦，旨意爸爸記得喎．．．

爸：幾十歲人，仲玩ｄ咁野！

我細個果陣覺得佢唔靚既，事關一路以來，漢堡神個造型都係麻麻，但今次呢個Q版，我一睇就鍾意．而且，我係要黎另有用途既．

等我研究成功再話俾大家知啦！