純素巧克力

某日早上發現桌上有一盒紫色的東西，咦，Dark Choco喎！

放在Bibi的物件上，唔通係佢ｄ同學仔送既？

打開，又係心心朱古力，隱約見到Love．

一盒六粒．

我：我食唔食得呀？

Bibi：你咪食咯，爸爸買既．

車！原來係爸爸買既．．．都拆粒黎試下啦．．．

果然係黑古欶特喎，點解一ｄ朱古力色都冇架？

咬一啖，點解ｄ味道同口感咁既？

原來係純素朱古力黎！

即係冇奶既成份既，唔怪得知咁怪味啦！

嗄！食ｄ咁野，一粒都３３卡？死得唔抵喎！

知唔知幾錢一盒呀？

36g，成廿八個大洋架！咁我情願食有機朱古力啦！

純素都可以做得出色ｄ架，做咩要整ｄ咁難食既野出黎賣喎？仲咁貴添，唔及格呀！

咁係咪情願要我粒假野好過吖？

不過，呢盒野都有立到功既，就係內膽既紙盒啦！我俾咗Bibi，叫佢梅花間竹咁，每格放一粒merci同melty kiss，然後包好佢，送俾同學做生日禮物．佢仲每格放咗一張迷你卡同人賀壽添！包裝好之後，果然非同凡響，我都俾佢八十分！