三款糖 at a time

入得零食店，唔多唔少梗買到D野出黎既。

今次我就買咗三包糖，芒果同菠蘿喎，兩款水果都係充滿果香既，加埋一齊，應該唔差掛?

既然佢地係台灣特產，就買黎食下啦。一俾完錢，我就即時開咗包糖黎試下，如果好食就即刻買多包拎返公司請大家食嘛，費事返轉頭再買($7.9)。

結果呢，冇乜驚喜，咁就慳D啦。所以大家可以放心，我會回頭再買既，一定係好野黎。

呢一包呢，係日產既薑蜜糖黎，硬糖黎既。諗起有同事好喜歡食薑，就買包食下啦。

佢個包裝袋說明講得咁吸引，又本土生薑，又本地蜂場，我先落搭咋($11.7)。

點知蜜糖味大過薑味，差不多FEEL唔到辣同薑既香氣，冇乜癮。唯有同人講: 你就當係食緊蜂蜜糖啦。

市面都有好多款蕃茄糖，我基本上唔多記得自己有冇食過呢款，好似包包都咁上下。

$11.3，又整包玩下。

噢，又係車厘茄咁味，仲要係感覺好似好稀既車厘茄汁咁咯，一D都唔似我地食開既蕃茄味。

三包都去唔到B級既水平，大家可以唔駛買啦，要過口癮都買過第樣啦。