妙法寺齋宴

古蹟遊完之後, 就係經典既妙法寺齋宴啦

大家坐低就開始想洗檯上既碗筷，點知即刻有工作人員話佢地既碗筷係經高溫消毒，好衛生既，叫大家唔好洗，免得行黎行去倒瀉水仲危險咁話。

唔洗就唔洗啦，點知我一拎起隻匙羮，見到冇粒飯粘住，諗住拎開佢, 用少隻匙就算，點知再反轉隻碗，我真係呆一呆, 佢直頭係一隻乾咗既、食完野完全冇洗過既、有晒啡色餸汁漬既碗黎，真係俾佢嚇一跳。我冇影低相，大家亦好厚度咁靜雞雞拎返隻碗去廚房就算，其他人就眼不見為淨啦。

第一碟係凍冰冰既沙律, 呢度都好新潮下喎.

D餸碟碟都係咁上下色同造型，一大pad豆粉漿埋獻既餸菜咯，都幾油下，所以我地都好快就失去戰鬥力啦。

呢碟應該叫豆粉漿釀冬菰

又係一碟混合咗既大鑊餸.

炸野都唔好食.

呢碟算係羅漢齋掛?

咕嚕肉既物體

呢條老鼠斑既下場都幾慘, 冇乜人食. 最難得既係佢地聲稱齋菜全部即做, 所以我地要等喎, 但碟碟都只係微暖.

食完野, 就去所謂有機農場, 唯一令我大開眼界既

係呢棵洛神花, 原來佢既花係粉紅色既.

門口棵蕉算影點啦, 仲有個蕉蕾添, 就影返張啦.

我地即刻離開呢個場, 走去同領隊講, 我地自便, 唔再跟佢地行啦, 一陣搭車都唔駛預我地啦. 然後去附近既農場遊下.

雖然人影都唔多個, 但就有幾隻羊.

再過錦田既跳蚤市場行個圈, 買咗個籃仔當做到此一遊.

我第二朝就要出發去台灣自由行，所以都唔想搞到個人咁攰啦，早d執好行李，早d上床訓好過。