古蹟遊

17/11，同爸爸去九巴一日遊

一早就出咗美孚，係太興食完早餐先去集合。

先去東涌白芒村

沿途風景都唔錯

天氣亦好

呢個係更樓

我地冇帶水，聽到導遊話果頭冇士多，我都有d驚。

好彩都唔多駛點行路, 呢對門神都畫得幾好.

跟住就上返車去馬灣

一條廢棄咗既村落, 有一隻孤獨既狗狗.

d屋全部都係丟空晒既, 甩皮甩骨咁.

d棚屋都係吉既, 雖然有鐵絲網欄住, 但要入去搞搞震, 其實都好易. 若然有後生仔女唔識死黎呢頭開P, 夜孖孖既話, 俾人逐個紮起晒都冇人知呀.

從前呢度係漁村, 所以近海邊一定有間天后古廟

呢D村民墜腳點已經冇人用架啦

所謂大街, 都好荒蕪

四圍爛蓉蓉咁, 都唔知點解咁都叫景點, 要帶大家去.

呢個避雨亭就做最四正架啦.

係岸邊仲有個海豚雕塑

從前既健康院就係咁大間架啦, 仲可以裝到入面驗眼既EEE海報添.

呢塊算係古蹟啦, 甚麼九龍關借地七英尺, 我冇留心聽書.

之後車返出去馬灣公園, 可以自由活動一陣

我就同爸爸入公園坐下

因為有太陽, 但又唔太曬, 又有D風, 都算舒服既.