到朋友家作客，好咖啡的主人即製鮮奶咖啡奉客．
用上這部打泡機，一會兒便打出豐盈泡抹，即製Latte，果然神奇又香滑
我經常飲用美心快餐的Latte，但是日quota已用，所以光看看而矣．
這是屋主大兒子自製的燈飾，托店鋪先裁好丁方的木板及膠片，以AA超能膠粘合，加上不燙手慳電膽，放在廳中一角，也蠻不錯呢！
大B，Bibi都話你犀利呀！明天你就要上機啦，一路順風啊！
29/12放咗假，返到公司，又有一份禮物係我檯，係我個名既，冇搞錯架．
又係哈囉媽咪喎，點呀？琪兒，靚唔靚呢？係咪好想要個罐呀？輕飄飄既，蜜柑乾？
原來係和果子燒餅
塊塊都燒晒佢個嘜頭，陣陣橘子香．
雖然一盒得幾塊，我會留返一塊俾你既，唔駛等你拎個吉罐．咁你幾時出開中環就預早揚聲咯喎（或者你派隻馬仔黎都得架）！
放工咯，又遇到朋友，她送我一條手鍊當作新年禮物．我是個不懂欣賞首飾的人，相信是黃金與白金色的組合，漂亮嗎？
還好，不太誇張，我夠膽戴呢！相信Bibi也可以和我共用啊！
生日當天，Mabel送我這張小卡片，我唔係教徒，其實唔知句野點解架．不過，上面既熊仔夠細呀，都幾得意吖，不如老翻玩下咯！
就係咁，我做了一個印仔，熊仔既五官我改咗少少，費事抄到咁足啦，就這樣製作了一些禮物小卡．
實物原大，放大ｄ都懶啦！
用咗三種顏色既紙頭黎印，簡簡單單用金色凸字粉，就咁就送出街咯！
爸爸獨個兒逛街，在裕民坊的一間小鋪，找到了它！
一隻勁大的手錶，錶面的數字充滿童趣，正是我的一杯茶．
我人肥手瘦，所以戴上後，足可遮蓋手腕．
才卅十多元，剛好用來給Bibi做聖誕禮物，她收到後十分滿意．
所以話唧，禮物唔一定要貴既，合心意才要緊呢！
今年公司選咗去新落成既尖沙咀Hyatt度搞閂埋門聖誕自助午餐，因為初初大家預咗頂晒籠好似上年咁叫到會，所以都有少少意外，仲有永不落空既抽獎添．
今次因為場地夠大，所以連家屬都可以參加，爸爸同Bibi都有一齊去．爸爸原本前一晚要開夜既，但驚自己第二日冇精神玩，所以就改咗星期五先開夜啦．
佢食素，自助餐定有啱食既野．不過，個傻佬第一碟，連生果同甜品都拎就有少少搞鬼啦．
甜品呢，我一ｄ都冇食到，呢ｄ係Bibi影既相．
聖誕甜品通常好睇唔好食，所以我一件都冇食．但因為有好多漿汁可以玩，Bibi就拎咗幾樣返黎．
嚴格黎講，我諗得Cheese Cake同焗牛油麵包布丁係好味既唧．
人出錢，我係唔會出命既，所以就先要一碗莧菜羮同豬仔包．
再黎清炒時蔬，涼拌木耳小黃瓜，雜菌蜜豆蝦仁，焗新薯，燒鴨，叉燒，香草魚柳．燒味併盆係有水準既，魚柳同炒雜菌就相當出色啦！尤其係呢幾條菜遠，簡直係驚喜．見唔見我都畢咗少少白飯呀？除咗燒味，其餘既就係我今餐主要拎既食物啦．
大獎就唔到我啦，但我就抽到六塊面膜，我地一家三口用兩次就玩完，易毀滅．但既然有兩盒，我都唔介意分一盒俾朋友，所以得返一盒．
另外，仲抽到一個榨汁機，我一見到就頭痕，乜咁大鑊呀，我地冇用喎，後尾見到老遠有人抽到個膠水樽，嘴都扁埋，我即刻同佢交換，佢就開心返，我又唔駛拎咁大件野走．另外仲有一個音樂咕臣，咁就放係公司用啦．
夜晚，我同爸爸跟手去朋友屋企打邊爐，Bibi就返港台開派對．大家都過咗一個愉快既晚上．
返到樓下商場，係七仔買完野，竟然俾我撞到小熊喎！上次blog聚大家話我地應該多咗機會撞到，我仲話唔會添！事關我地作息時間唔同，咁耐都未見過對方架．
屋企樓下平台既裝飾，都幾靚丫，影返相張先返上去啦．
今年公司選咗去新落成既尖沙咀Hyatt度搞閂埋門聖誕自助午餐，因為初初大家預咗頂晒籠好似上年咁叫到會，所以都有少少意外，仲有永不落空既抽獎添．
今次因為場地夠大，所以連家屬都可以參加，爸爸同Bibi都有一齊去．爸爸原本前一晚要開夜既，但驚自己第二日冇精神玩，所以就改咗星期五先開夜啦．
佢食素，自助餐定有啱食既野．不過，個傻佬第一碟，連生果同甜品都拎就有少少搞鬼啦．
甜品呢，我一ｄ都冇食到，呢ｄ係Bibi影既相．
聖誕甜品通常好睇唔好食，所以我一件都冇食．但因為有好多漿汁可以玩，Bibi就拎咗幾樣返黎．
嚴格黎講，我諗得Cheese Cake同焗牛油麵包布丁係好味既唧．
人出錢，我係唔會出命既，所以就先要一碗莧菜羮同豬仔包．
再黎清炒時蔬，涼拌木耳小黃瓜，雜菌蜜豆蝦仁，焗新薯，燒鴨，叉燒，香草魚柳．燒味併盆係有水準既，魚柳同炒雜菌就相當出色啦！尤其係呢幾條菜遠，簡直係驚喜．見唔見我都畢咗少少白飯呀？除咗燒味，其餘既就係我今餐主要拎既食物啦．
大獎就唔到我啦，但我就抽到六塊面膜，我地一家三口用兩次就玩完，易毀滅．但既然有兩盒，我都唔介意分一盒俾朋友，所以得返一盒．
另外，仲抽到一個榨汁機，我一見到就頭痕，乜咁大鑊呀，我地冇用喎，後尾見到老遠有人抽到個膠水樽，嘴都扁埋，我即刻同佢交換，佢就開心返，我又唔駛拎咁大件野走．另外仲有一個音樂咕臣，咁就放係公司用啦．
夜晚，我同爸爸跟手去朋友屋企打邊爐，Bibi就返港台開派對．大家都過咗一個愉快既晚上．
返到樓下商場，係七仔買完野，竟然俾我撞到小熊喎！上次blog聚大家話我地應該多咗機會撞到，我仲話唔會添！事關我地作息時間唔同，咁耐都未見過對方架．
屋企樓下平台既裝飾，都幾靚丫，影返相張先返上去啦．
肥師奶既死穴呀！！！！！我又收到熊仔曲奇啦，仲係 8 Mix ，點抵擋到呢ｄ誘惑呀？
呢份呢？張花紙認真靚呀．
又係Bibi鍾意食既朱古力波波啊！
浪接浪，又多一份：
又係Cova朱古力呀！多謝你呀！
因工作關係而認識的Jasmine，特意在老闆到我公司開會時，托他速遞我一份禮物．
Truffles黎架！其中一款至愛朱古力呀！醜死鬼啦，大家一定知我係一個為食鬼啦，送咁多朱古力俾我．
今次呢位日本朋友，剛好陪朋友黎香港，特地上我公司，送我禮物，真係千萬個唔好意思呀！
日本人，習慣樣樣都包裝得靚靚，仲係日本製造，可能佢唔想老遠而來，送返ｄmade in China既野俾我啦．
可能佢地都講意頭掛，所以袋入面都會袋返少少野，呢粒糖，點捨得拆黎食呀？
