與網友一聚 – 姊妹花

第六、第七位同我見面既網友係華姐 同二少奶（即係Sister Lam）。

今次，我地去咗灣仔既留園雅聚食上海菜。果度環境算ｏｋ，唔太嘈，食物一般啦，冇開飯啦網頁講得咁好，或者我食過更好味架啦。

見到我真人，據佢地講，我冇佢地想像中咁大。呵呵，即係話我仲「後生」啦！華姐都唔係幾信我大過佢呀，嗄！你估我話自己「入廚卅幾年」靠嚇架。

我送咗一對兔仔印印俾佢地，希望佢地兩姊妹一路都咁好感情，亦希望佢地既囝囝囡囡日後長大，都可以好似依家聯繫得咁好，一代一代延續落去。

好多謝佢地送咗呢ｄ和果子俾我，返到屋企，即時就地正法，一次過毀滅晒佢，留隔夜冇咁好食架麻！我就話有原粒士多啤梨果款最好味啦(即係白色果d)。

不過，我最欣賞既．．．都係盒入面呢張牛油紙呀！