原本31/3已經描好咗呢個草圖架啦，仲轉印咗上塊擦膠度添，諗住快快手手夜晚整埋佢。
點知BB女出世，整蛋糕需時，又要待乾，所以我就放低咗啦。
到咗第二晚，可謂神推鬼oon，唔知搞乜俾我突然間留意到，個名好似怪怪地咁既？唉吔！串錯字添！寫少咗個 "r" 呀！
好！我改。
第三晚，以為一切改好啦。食完飯，係廚房預備定第日晚餐既野，Bibi就入黎challenge我。
Bibi：你係咪串錯人地個名呀？
我：係咩？你快ｄ同我上網check下，人地呀媽留咗咩名俾我。
我：咦，冇錯喎！咁都好ｄ！唔通人地呀媽都會整錯呀女個名咩?
Bibi：你地ｄ大人打字成日都打錯架啦，你唔俾二少奶(Sister Lam )又打錯字呀！
咁又係，英文名既野，我都唔熟．．．即刻上網搵下先。
點知原來“kir” or“kri”都有人用架。
都係confirm咗先落刀好d。如果唔係要監硬剷走個名，咪好慘、好對唔住隻鬆弛熊唧！人地要同Kirsty一齊架麻。
好彩，我冇即刻擦咗個名唧，原來最後我都係串啱咗既！
一額汗呀！呢個印仔，一寸咁上下大啦.
沒有留言:
張貼留言