送給Roni及BB的蛋糕

Roni，你真係乖女啦！好多謝你呀，為大家添了一個小寶貝。整個家族，包括你奶奶系果一大群姨媽姑爹，都超級開心。Bibi做咗表姑姐啦，一聽，佢都有ｄ扁嘴架，好似突然間老咗少少咁，但佢話：「好彩有個『姐』字，咁都好ｄ！」咁算唔算阿Q呢？
為咗獎勵你令我二家姐升級做嫲嫲，我特別為你趕工做了一個「大」蛋糕，給你的囡囡留個紀念。
因為次次都係為他人作嫁衣，每次做蛋糕，都拖到最後一刻才趕製出來。
今次，真係有好大推動力，叫自己快快開工。始終都係等個蛋糕慢慢自然風乾會靚ｄ既。
BB真係叻啦，懂得避過愚人節，唔駛做「愚人B」，仲識得計啱時間，到十二朝大家可以探望你地既時候，剛好係復活節假期，所有人都唔駛告假就可以黎探你地啦。（初初我仲叫二家姐等你一生咗就打俾我，等我攞定假添！）

先構思佈局，就用我最近製作既士多啤梨啦！

加只小熊公仔就最好啦。

「快高長大」牌牌又點少得呢？

整ｄ忌廉圈先，再加埋ｄ士多啤梨，再插上牌牌同粘上小熊。幾豐盛！

仲未得喎，加返ｄ芒果醬先。本來咁已經係好靚架啦，我都好滿意。

點知，第二朝起身檢視一下個蛋糕，噢！原來乾乾地仲靚呀，我真係好開心呀！