好味燕麥片

呢一款瑞士燕麥片，成份有葵花籽油、脆片玉米、大米、麵粉、大麥芽、可可粉、葡萄糖、冷凍干燥莓、草莓粒、蜂蜜、榛子等等。

加入奶(冷熱隨意)，真係幾好味。Bibi食得好高興，我對奶麻麻，驚肚仔唔受得，試下就咁拎黎食。咦!真係幾好味喎！裏面ｄ麥片脆就唔在講吖，連ｄ干燥果子都係卜卜脆架。我個人黎講，佢比起其他種類既muesli易入口得多。

十幾廿年前，我睇過讀者文摘有一個專題介紹呢類穀類早餐，講到天花龍鳳，幾有益，幾咁可以當一餐．好奇既我，咪即刻去超市買一包啦，呢ｄ咁野當年都要賣好貴，點知食落口，唔係幾啱食咯，仲有ｄ難頂添！

呢包就唔同啦，起碼我都願意食．咁依家賣幾多錢呢？係屈人寺做緊特價，500g賣$15，抵食啦，一般都可以分四、五餐食架啦。