印仔九 - 角花 II

又整咗第二隻角花啦，到目前為止，又有新問題出現啦。
點解會兩邊唔對稱既呢？好似一邊肥好多喎！
我諗都係因為自己懶，冇乖乖地畫晒兩邊既草圖，只係用轉印再轉印既方法去做個圖案，所以就變得越來越大，咁我都知自己衰既。唯有下次咪咁做啦！
呢個花紋又係亂畫既，所以冇咩章法，志在體驗同感受。雖然我同d擦膠關係麻麻，但都開始同佢傾到幾句啦，正等待互相深入了解呢。

放大咗去睇, 就知我唔記得抹乾淨d邊先去蓋印啦, 所以花晒!