神奇清潔棉

唔知大家去開$10店，有冇留意到呢d清潔棉呢？原來好多人都唔知架喎。

佢有好多唔同既尺碼既，有d一包有好幾件，有大，又有細，亦都有一件過既，可以自己返到屋企再剪出自己需要既大細。

清潔棉之麻，咁到底有咩好用呢？

原來，只要濕少少水，榨返乾佢(搞到佢唔滴水就得啦)，記住：唔駛加清潔劑架，就可以好輕易咁去除污漬架啦！對於光滑表面如雪櫃、磁磚、檯面、洗衣機面、櫥櫃等，功效顯著，仲唔駛點用力，就可以輕輕鬆鬆咁抺走晒d污漬啦。當然啦，佢係可以多次使用既。

試下搵一處封咗油煙既地方抹下吖拿，真係講你都唔信呀，咋一聲就乾淨晒，好似拍廣告咁。但係，要記住喎，如果d油煙漬係位於煲底又被火燒實咗果d，呢招就唔駛得架啦！

我試過拎佢黎抹電話、鍵盤以及其他容易粘到微塵或者因為靜電會吸引微細碳末的物件，都可以抹得好乾淨。呢種棉，於清洗茶漬之類既能力亦相當強。但切記清潔過後就一定要好好過清水呀！

咁到底呢d棉既成份係乜東東黎呢？一聽個名，可能會嚇你一跳。佢既成份有「三聚氰胺」既，其實有好多塑膠產品都有呢種成份架。