屈臣氏感謝日

今朝食完早餐，原本打算去萬寧買野用埋張現金券既，見到屈臣氏感謝日喎，買滿百五減十蚊，咪入去睇下咯。隱形眼鏡葯水、朱古力、洗手液、衛生用品、果仁、香口珠、看門口既葯物，都二百九十四個幾，原則上買多少少可以分兩張單，可以再平多十蚊，又可以多份贈品。但就冇乜心機計數，費鬼事計啦，跟手去門口拎埋包贈品就走啦。D贈品係隨機由店員順手送出黎既，包野好似咁黑萌萌既？返到公司打開，有一個黑色束帶袋、一set男士旅行護理套裝磨砂洗面膏同沐浴露，其餘既全部都係香水版黎，Intimately Beckham既男士同女士版各一枝、Thierry Mugler既Violette Angel、Coty既Kate Moss，仲有一個盒仔，咩黎既呢？原來係Maybelline New York既防曬粉底。

呢個袋B4紙咁大, 都唔知有乜用?

沐浴露, 磨砂膏, 仲有黑鼻貼添!

呢三枝香水仔都係滋滋庄黎, 都幾方便架. 留返個樽黎裝我d粒粒就啱啦, 不過都好似大咗少少.

我冇化粧既, 果盒防曬粉底我初初都唔知係乜黎, 要睇字先知.

由上面數落黎第二枝就係Kate Moss啦, 冇個噴噴既.

呢盒粉底幾得意, 或者個盒仔可以有用.