同事C：你係度做乜唧？
我：雕印仔咯，好好玩架。即係用呢ｄ夾心擦膠咁、咁、咁咯．．．
同事C：係？等我放工去搵下先。仲要ｄ咩先玩得話？
我：只要有一把筆刀，就可以開始玩架啦。仲有呢ｄ環保紙既牛油紙，用黎做轉印既。（嗄？環保紙都有牛油紙？咩唔係呀！果ｄ宣傳卡、售樓書，甚至報紙，間中都會有ｄ夾住牛油紙架，我每次都有儲起佢，留返慢慢玩。如果唔係Pri 問牛油紙係邊度買，我返到公司都唔會走去睇下自己有ｄ咩存貨架。）
同事C：哦，咁等我去買把刀先。
我：不如我俾你試下玩吖？
同事C：等我搵pattern先。
我：駛乜搵吖，第一次做，做個簡單ｄ既圖案得啦，去試下個手感同點操控把刀唧。
同事C：咁整咩好呀？我唔識畫公仔喎。
我：整件T-shirt仔啦，中間加個C字咪得咯。等我黎啦！
十零秒就畫好個草稿俾佢，俾一忽牛油紙信封佢。
我：自己印住畫啦，畫完就反轉。咁，跟住用手指挖個圖案上舊擦膠度。跟住咁咁咁．．．
咁佢成唔成功呢？大家睇下，都叫做做到啦。點解咁色既？因為佢油完紫色（枝螢光筆乾乾地），又油粉紅色，咪搞成咁咯，幻彩呀！
就係咁，佢就俾我拖咗落水啦。即時投奔印仔怒海呀!
哈哈！我係魔鬼黎架！有野玩大家玩吖o麻！
沒有留言:
張貼留言