環保信封也可重生

大家有冇諗過打呢d信封既主意呢？

通常，銀行為咗保障收件人既私隱，都會將呢ｄ信封既內頁印上圖案，令內文無法用透光法顯示出來。

原來打開信封，裏面既圖案都唔錯架。我行前只會留意一ｄ內頁靚靚既大型公文袋，因為割開它，基本上就係一張有圖案既花紙黎(有時上面既圖案靚到你唔信呀)，做過不少迷你紙盒，裝我既迷你撻同麵包仔。

因為大型公文袋可遇不可求，咁就唯有退而求其次，向呢ｄ信封諗下計仔啦。或者大家都應該留意下佢地，除咗循環再用做返信封既用途外，仲可以俾多個機會佢地重生呢！