印仔六 - 我的睡眠小熊

都係要寫返自己雕過幾多個印仔至得，記唔清添，原來呢件係第六個啦！

經過上次失敗事件後(見中式雙喜印仔)，我都唔敢托大啦，擦子膠難買呀，都係慳慳地，唔好整咁大件啦。
今次整咩好呢？
就整隻著住拖鞋、睡衣，同埋攬住咕臣訓著咗既熊仔啦。我係d玻璃貼紙度抄架咋，邊有人畫得咁靚吖。
梗係要改少少先得啦，總之一切從簡啦，連人地件睡衣既圖案我都想刪埋，改做波波點算lu。呢個係在牛油紙上既樣：

轉印咗上擦膠後既樣：

爭d成功架啦今次，又係手多累事咯。隻熊仔個頭側邊既空白地方，原本係用黎刻埋 “z” “z” 既，因為事先冇畫到上去，一下唔覺意就成忽批走咗。
冇得救lu，唔通另多整件 “z” “z” 咩，算啦，用手畫上去啦。

用螢光筆油，始終爭ｄ，會一撻撻，ｄ色唔多勻稱．

最後，我地要同呢一忽白白犧牲咗既擦子膠默哀一下！

由16/2開始計，我差唔多有 "印齡" 一個月啦！點呀？都叫做有進步咯可！

雕完呢個印印，起碼學識咗要雕幼線時應該點落刀，叫咗學到野架啦。