百搭素食材

市面最容易買得到，品質幾好，又好味既素食材其實唔多。「松珍」可算令人滿意，起碼唔會放埋ｄ動物成份既野入去。

我最常購入此款美式淡味雞丁，貪它口感一流，味道又好。一包大概四十多元，吉之島或者永安間中會做特價，先幾日就卅八個幾一包，約重一磅。

我通常用以替代免治豬肉或瘦肉。不用解凍，把它切碎就可以當作免治豬肉（肉丁或肉末），用來炒飯、炒蛋、煮茄子、麻婆豆腐等菜式，就更添食味。放湯當肉丸又得，就咁煎亦得，至於話切絲加埋黃芽白煮通粉就更可以．

冇計，屋企有個唔食肉既，就下佢啦！一粒大概兩厘米咁上下大啦．