大家都問我，到底Bibi會考成績ok，有咩獎勵喎？我地點慶祝喎？
老實講，讀好ｄ書，係做學生既本份，考到好成績，已經係對自己既鼓勵啦。仲駛獎咩呀？Bibi亦從來唔會要求獎品既。
”唔駛啦，考到好成績，已經係對自己既鼓勵啦”呢幾句係Bibi六年級時，姑姐問佢想要ｄ咩既時候，佢答返人既說話，係後尾姑姐同爸爸傾開計，又講返俾爸爸知既．
至於話果日係原校註完冊之後，我地有咩慶祝活動？
首先，就係幫佢嘉勉先，立即買定校服裙，事關佢地學校中六既校服裙係唔同款既，亦都係女生係校內身份既象徵黎。
因為我早餐都未落隔，真係陪唔到佢擦一餐住。所以，就由得佢係肯德基放縱下，食餐炸物，仲飲埋汽水添。跟住去超市買餸，打算晚餐叫Bibi親自下廚煮餐謝師宴俾A-Maths叔叔食。
返到去，佢第一時間開電腦同ｄ同學仔傾下，然後先醒起未通知麥Sir喎！由得佢玩咗幾粒鐘msn，俾佢洽返個靚覺，六點幾先起身下廚。佢都好耐冇咁hea過咯，由於要煮幾味，我就充當執碼既角色，幫佢洗洗切切，等佢可以慳返ｄ時間黎訓覺。
就係佢訓緊既時候，爸爸就拎佢ｄ新校服裙黎睇下。我話：如果你幫隻豬熨埋校服，佢一陣訓醒實會好感激你架！
到佢熨到第三條裙既時候，我就走入房做少少手腳，通水話俾Bibi聽爸爸係廳度同佢熨緊衫，一陣出到去要好感謝佢至得喎，就趣趣地獎佢錫啖額頭仔啦。
今次，原本餐單係蘑菰肉碎煮蕃茄（呢樣佢已經煮過，所以我走咗出廳）、菜脯炒蛋（我先煮一份做示範，然後就俾另一份材料佢自己炒）、煎素雞扒、灼油菜既。但後尾又唔知點解整咗肉碎菜脯炒蛋喎，咁爸爸咪冇得食？於是我唯有炒多碟蘑菰素雞丁炒蛋，取消咗煎雞扒。整好晒d野，好似到會咁拎去A-Maths叔叔屋企。
蘑菰肉碎煮蕃茄（估唔到呢個不鏽鋼兜咁大食既，半鑊餸都裝佢唔滿呀！）
菜脯炒蛋（我炒果份係底，睇唔到啦，Bibi炒果ｄ就係面，大家睇到晒架啦）
爸爸既蘑菰素雞丁炒蛋
油菜
我今次有相機係身啦，所以可以提供牛B既玉照，我地去到佢都未訓醒
呢個係佢剛剛訓醒既懵樣
有返多少知覺啦，就自己玩
係我手，佢個樣寧舍俊既
去到Bibi手呢，就冇咁好表情啦
至於要返牛B老豆抱咯喎．．．．大家明啦
沒有留言:
張貼留言