係Bibi考會考之前，就同幾個舊同事約定，話等大家d細路考完晒試，齊齊出黎食餐好既慶祝下。點知跟手Bibi又入咗太陽計畫，冇時得閒，連放咗榜後，D親戚同契媽等長輩話同佢食飯都抽唔到時間。就算係我，都難得兩母女正正經經咁食一餐飯呀！
所以，之前一早整好咗，想話送俾個舊同事既生日禮物，到依家先送到出去，仲要係得返我地幾個大人自己去食晏。
我地今日又食日本野，雖然時間就短咗d，但難得聚一聚，最搞笑既係，拖下拖下幾個月，竟然變成我既生日飯，事關我係月尾出世既，佢地話當係同我提早慶祝埋喎。點好意思呀！
呢件T-shirt仔，係我其中一個系列既設計黎，原本我用咗青色既，我都好滿意架。
但係，見呢輪Paper Art大減價，咪走去買咗d印台仔咯，原來Green Tea仲靚喎，試印一下，咁靚，有d唔捨得俾人添。
算啦，當係曾經擁有啦，再見啦，綠茶！見到Candy收到之後個開心樣，自己冇咪冇咯，緊乜要吖！
大家睇下, 我都做咗好多件名牌衫架！呢度只係其中一部份黎.
沒有留言:
張貼留言