印仔五十八 － 開心小矮人

因為跌爛咗個相機，好唔開心，咪整返d開心野舒緩下咯，我揀咗小矮人裏面既「開心」。

又因為老花，戴住con係唔多睇到既，拎咗爸爸副大眼仔，勉勉強強整咗一截。放低，去完街先再玩啦。

除咗副con，睇得清清楚楚啦，繼續做野。一路雕，一路同Bibi講：「呢輪成日搞到咁夜，冇咩事既，今晚就早ｄ訓啦，一於今晚九點訓啦！」

係呀，佢係應咗我呀，但就轉個頭，同學會ｄ學員打黎，叫佢明日返港台做野，佢又話要出動啦。冇幾耐，又聽到佢係度約其他同學：「乜乜呀，你今晚九點半on唔on到呀？我地要傾同學會畢業禮既野。」

嗄？咁即係今晚又要msn到好夜啦！

「不如你趁住依家仲有成粒鐘，去洽陣先啦。」「都好喎！」

休息真係好緊要架，今日出出入入，鬼咁熱，一個二個都有ｄ頭尺尺。

終於都整好啦，雖然唔係一take過，都ｏｋ既，就當暑期補充練習啦。

終於都開咗個pinecone啦，未用過咁深既啡色，都幾靚吖。

搵咗盒十幾廿年前既木顏色出黎 , 油咗顏色之後，真係靚咗好多呀！

開心返未？未呀！影完呢幾幅相之後，又搞咗一大輪先閂到個鏡頭咋！