先一排，整咗一堆玫瑰仔，初初就諗住用黎做蛋糕上面果d忌廉花既，後尾整下、整下，又好似單調咗d，或者可以用佢黎做d其他野。
加返d葉先!
於是，我就做咗呢d髮夾啦。係試驗品黎，希望大家試過之後，俾ｄ意見，等我改良一下．
雖然唔算好靚，放咗係頭上面都唔算太差。Bibi當然唔肯用d咁女仔既野啦，咁唯有要大家俾俾面，勉為其難要咗佢啦。不過，若然大家覺得有其他人會喜歡，轉送俾佢都冇問題，我係唔會介意架，做手作只係想多ｄ人開心既唧！
收唔到既小朋友，唔駛失望，只係我覺得呢d野好似唔多啱你咁唧。我會再諗d新款既出黎，咁你地收到，或者都會覺得靚靚地，收埋佢。
P.S. 香港既郵遞速度區區唔同, 我仲分開咗三日黎寄, 可能有人仲未收到架!
若然個髮夾會損毀, 係唔關大家粗手粗腳事, 係我溝粘土既比例唔啱唧, 大家應該話我知, 事關你地全部都係白老鼠, 我用咗唔同既厚度同唔同既粘土比例去做呢批花仔既, 之前冇諗過要黎咁用既. 所以我都好想知道實驗結果, 等第日既成品更襟用!
沒有留言:
張貼留言