橙皮戚風

星期四，我隔離位一早就係度分蛋糕俾大家食啦。我問佢係咪佢老闆娘整既？又答我：總之就係有人整啦！懶神秘咁，我一估就中啦。

哈哈，睇落好似幾正咁喎。咦，好似仲有少少暖暖地咁既？見到橫切面ｄ窿窿咁平均，就知呢件係好野黎啦。唔～～～夠鬆軟，質感比美天使蛋糕，裏面仲有粒粒橙皮添！我平日最怕就係果ｄ有醃製果皮係裏面既糕點既，如果係街外買既，我一定縮沙架，但係呢件就唔同啦，homemade既我一定試。又唔太甜，ｄ橙皮粒粒又唔澀，簡直係大平反呀！

問我老闆食唔食喎？佢係正牌為食鬼黎, 又點會唔食吖？呀媽我實拎件俾呢個為食仔既！

佢食完梗係猛話正啦。乜你以為落多ｄ嘴頭就會多件食啦咩？你估係我整架！

遲d有食譜先加返啦下!