初探牛B

星期日，等爸爸沐浴更衣（梗係啦，容乜易帶埋ｄ菌俾牛B架），帶同探B三寶（利是，禮物同咩呢？你地估下），到幫Bibi補習A-Maths的叔叔家，跟那個話極都唔聽，係都要同Bibi個爸爸同一日生日既牛B會面．

去到，見他剛睡了．而客廳中多了兩位客人，原來是同一層的鄰居呢！呵呵，今次真是靠你把新屯中的街坊，陸續引到家裏來啊！

長長的手指，腳趾(我預咗你第日有六尺高架)，加上尖尖的下巴(來自呀媽既遺傳, 算你識揀啦!)

還有高高的鼻子

及有菱有角的小嘴

睡醒了嗎？要洗白白了啊！新手上路，這個見習爸爸只是第三回為牛Ｂ服務呢！

先用濕紗巾抹頭頭．為什麼不是抱著牛Ｂ洗頭的呢？

實情是．．．有難言之忍呀．．．筆試合格，未有信心考路試呀，反正明天陪月姨姨會來，就少洗一天頭頭吧！（i.e.就當街口陳師父間洗頭鋪休息啦）

見習爸爸心知牛Ｂ今天未辦大事，一面沖涼，一面擔心出事，若然他在浴盆內辦事怎生處理呢？

牛B就出一條簡單的考題讓他應變吧：好！我吐奶！

總算任務完成，可以抹身了

考題二：你忘了做什麼呢？見習爸爸！（我不會提場的）

答案是，他忘了媽媽吩咐要為我塗點甚麼甚麼潤膚的東東，幫我按摩按摩，就為我穿衣服了．怎麼又要戴手套呀？熱呀！

仲未估到第三寶係乜？咪就係一個可以打包薑醋既容器咯！我只取了一只瓷碟放豬腳薑，用玻璃瓶放醋汁，那就不會淌瀉了啊！

一回到家裏, 爸爸先吃一塊薑, 一只蛋, 他說好吃. Bibi見他在吃蛋, 以為他吃了碟內的一千零一只蛋, 差點要跟他開片!

晚上, Bibi補習後回家, 吃飯時我熱了一只蛋及一塊豬腳給她佐膳, 蛋蛋就吃得津津有味, 豬腳呢, 她說很辣, 一面喝水, 一面吃. 我問她為何不用熱水浸過豬腳, 減少辣味才吃?

Bibi : 浸過的水又不可以當湯喝, 我情願一面食, 一面喝水.