今晚，我約咗華姐、Sister Lam、Kate 同四眼妹幾個一齊食飯。今次係去旺角新世紀既一壽司。
先來小吃，山薯兩味。
炸池魚，檯上餐牌果張樣本相係有幾寸長架ｄ魚，一碟得五條，但大家睇下！幾搞笑，佢捉晒人地ｄ囝囝囡囡上檯，條條都好似我半只尾指咁大，笑鬼死。
呢個係火炙玉子
煎餃子
牛油炒野菜
軟殼蟹炒飯
吉列忌廉南瓜
魚生
石螺片壽司
阿拉斯加卷(所謂阿拉斯加, 原來係蟹柳碎)
第一次同Kate見面，唔取下經點得呀？我仲托佢買咗呢ｄ材料，打算自己研究下點整手袋仔。大家真係要祝我好運, 到底有咩竅門, 我仲未摸到架.
我地係咁傾計，好快就九點幾，見到門口有人排隊等位，於心不忍，就提議不如埋單啦。
今日收到既禮物(綠色果盒係我既), 裏面既曲奇塊塊都唔同味架! (四眼妹, 如果你食完盒野, 又冇染污到個盒既, 記住留返俾我呀!)
原本我諗住Bibi太陽計畫既彩排係十點放既，咁爸爸黎接完我再去接佢咪啱咯。點知，佢話要練到十一點，我唯有係商場度四維遊，等運到啦。順便係Food Court買咗個薯容批、蛋撻同檸檬茶俾隻豬仔做晚餐。返到屋企到十一點半啦，第二日又話要十二點返到去，即係十點半要閃，咁起身食完野，仲要趕住做埋ｄ功課先得喎！喂! 細路, 好同我睇返兩篇英文剪報先行呀!
沒有留言:
張貼留言