第一次約咁細既blogger食飯，好開心。
今日同我見面既係瑩瑩(瑩瑩)，佢當然有帶埋佢既媽咪黎啦，唔係佢點識黎中環呀。
佢全程都好好笑容，又成日叫住我。呢招真唔係人人學到架，天生得人鍾意，冇得頂呀！自己食飯，仲識用只匙仔將嘴邊既飯撥返入口添。兩歲人仔，好叻架啦！
瑩瑩有私家飯食，我地大人就食以下呢ｄ食物：
醃蘿蔔（網上ｄ人講話都幾好既，冇乜特別吖）
雞絲粉皮（ｄ醬夠晒多，仲有羅馬生菜墊底，不過俾我地蹂躪過黎先記得影相）
蒜香骨（肉質好腍既，有ｄ熱氣）
奶油扒津白（清清地，瑩瑩都要求分一杯羮）
你地估佢送咗咩俾我吖？
勁咯，你地睇下瑩瑩既唇印！即刻暈低！呢個冇得做馬既，因為係好細個咀既．
當然啦，我更加會慢慢嗒真ｄ呢兩盒朱未力啦！剛剛試咗味啦，質感係好滑溜既！
沒有留言:
張貼留言