星期六，我漏夜整個印仔俾Sally，叫Bibi第二日同佢一齊電負離子果陣送俾佢，等佢開心下，我再三叮囑佢記住送俾人。
到咗星期日，佢終於都冇送到個印仔俾Sally，真係有ｄ勞氣。
雖然佢係髮型屋坐咗咁多粒鐘，但我期間係有打電話提過佢既，點解咁都送唔到俾人吖？呢隻豬仔話當時唔方便送俾Sally喎。咁點解佢唔記住又或者同人講聲：「一陣有禮物送俾你，你記住問我攞咯喎！」
就係咁，Bibi就扼殺咗Sally得到意外驚喜既機會，亦枉費我一番心血漏夜雕個印仔俾佢。最離譜既，係佢冇好好珍惜我做既印仔，放咗係個袋入面，俾佢蹂躪咗成日，之前果晚小心翼翼蓋既書籤仔都俾佢捽縐晒。最弊既係佢遞返ｄ野俾我果陣，係毫無歉意架！
佢冇將件事放係心度，有負我所托，就係一個冇責任感既行為黎，所以我叫佢好好反省下。我仲將記載咗呢次事件既有關日記印咗出黎，琴晚要佢靜心睇一次。（通常兩母女如果有conflict，我都會用文字將自己既感受同見解講俾佢聽，等佢係事後可以靜心思考一下。）
講多無謂，都咁大個女咯，要佢自己識諗至得架！
沒有留言:
張貼留言