印仔五十二 – 我的小學畢業印章之鍾馗捉鬼

估我唔到哩，竟然整d咁既題材。

都就黎玩咗印章四個月啦，我一路都想係六月十六日之前，做一個小學畢業功課既，都應該小學畢業架啦。

偶然睇到一幅水墨畫，覺得佢線條明朗，實在好適合用黎刻印章，仲唔好好利用佢咩。當然啦, 人地原本係彩色既, 俾我省略晒d顏色lu!

其實我好怕畫d好有規律既圖案既，要我畫雪花都想死，何況要我畫蕾絲章呢。畫埋俾我刻就冇乜所謂，要畫咯喎，真係要諗過先呀。

水墨畫呢，就啱晒我啦！d線條想粗d又得，幼d又得！就算我畫到走晒樣，都可以話：「人地就係想咁整架麻！」

整呢塊印章(7cm x 8cm)，都搞咗幾日，係繼雙喜印(中式雙喜印仔)之後最大個既印章黎。不過，今次就冇蝦碌到，算成功啦！ 夠唔夠威武呀? 隻蝙蝠係要咁先似中國畫既, 唔可以太detail架.

* Jeannie * 小朋友，我話你知吖，我已經小學畢業啦，睇怕到你返香港既時候，我都有資格同你補習啦。