PG家長指引
驚蟲蟲既小朋友，咪睇落去咯喎！
蠶蟲係要蛻皮先會長大既，情況就好似件衫窄得滯，著唔落，踭爆！
咁你地又知唔知，阿一每次蛻皮，都係要除咗個頭盔先既呢？
你睇，佢又係度同個頭盔對抗緊啦！ｄ廁紙咁軟，點幫你整甩個頭盔吖？
幾驚掙扎，終於都除到啦！
依家可以舒舒服服歎返下啦．
大家冇睇錯，阿一又換咗個新場啦！
爸爸問，你地有冇覺得佢似一只馬仔喎，係度放牧緊呀！
又影一影育嬰室吖拿，阿一，點解你ｄ細佬妹咁耐都未肯出世架？
都係冇你地咁好氣啦，快快開餐先．
阿一：蠶蠶姐姐，你好ｏ麻？
阿一：我呢．．．想訪問下你呢．．．點先可以變到你咁大，咁健美呢嗄？
蠶蠶姐姐：哦，想樣靚身裁正，好易既唧，食多ｄ桑葉，做多ｄ口部運動，再多d舒展下筋骨.......好似我咁．係啦，你都學得似模似樣．
知唔知張紙上既係乜東東黎？
答案係．．．
阿一剛蛻出黎既新皮！深色既係佢頂舊頭盔，淺色既就係佢件舊披啦．塊舊皮係好快乾既, 好快就會縮埋一粒架啦, 遲少少影仲會短d添呀.
每次蛻完皮，佢都係好縐皮既．要補返下，先會容光煥發架．
你地有冇睇清楚呀？阿一條尾果截好似有只角咁架！我初初都以為就係咁分蠶蠶既性別添，點知．．．原來條條蠶蠶都係咁架！唔信？你睇下樓上果條大蠶蠶就知啦．
阿一慢慢長大，身體就會越來越白架啦．
又再蛻皮啦，蛻埋今次，我諗下一回都差唔多要結繭架啦．
爸爸話ｄ蠶蠶長大咗，條條都咁上下，驚自己第日睇相唔認得喎，咪放埋個牌牌同佢一齊影咯．
阿一，今次真係要好趁青春留倩影啦！Cheese!
沒有留言:
張貼留言