薑醋咸蛋

今朝嬸嬸整咗薑醋汁煮既咸蛋喎，佢問我試唔試，仲叫我趁熱添。

都聽人講過話用咸蛋黎煮薑醋架啦，話好味ｄ喎，咁就唔好客氣啦，一於試下。

唔，原來咁整法，咸蛋係唔咸架喎，醋汁亦可以入味去蛋白度，而蛋白同蛋黃呢，就唔會好似雞蛋咁實的的（煮多兩下會變鐵蛋），反而仲係軟軟的，蛋黃就好似平日食既咸蛋黃咁，起沙架咯。

論味道呢，咸蛋係好好味既，我有ｄ覺得自己食緊粽咁既feel呀，但各花入各眼啦，可能因為佢原身係咸鴨蛋，會有人嫌佢膽固醇高而嫌疑棄個黃都唔定。但鴨蛋本性偏涼既，照道理，用薑醋黎煮過，咪平衡返咯！