今日有兩件開心事。
第一件，做做下野收信件，厚厚地既，原來係大少9送俾我既印仔。咁大洗呀你，一個印仔用咗5cm x 6cm咁大塊擦膠！
一睇就知你花咗好多心血去整啦，好多謝你呀！我都係第一次收到印仔咋，估唔到竟然係你送既。好搞笑，做咩你幫佢點兩只眼上去呀？我唔係已經教咗大家用牙籤點同色既印台咩？
喂！俾個原庄扒地look Pekkle我睇，即係咩意思吖？一粒豆咁細，想唔老花加十倍都唔得呀。我係唔會去做呢ｄ傻事呢。
第二件事呢，就係同師奶分庄佢新買既Borders Clear Stamps啦，返到公司即刻試印，不過失敗咗，既撕唔起塊野，又吸到唔平均。我懷疑自己太粗手粗腳, 好似搣唔起片底膠咁, 好驚整爛, 最鍾意葉片形果條, 似乎我都可以自己整喎!
佢仲分咗少少紙俾我玩添，仲有一卷黃色膠紙。
食完魚蛋粉，又走去買紙頭，係咁意整咗三舊玩下。
又買埋呢ｄ兩蚊雞蕾絲布布檯墊, 各位姊妹, 唔駛再去搵啦, 我冇揀到果d都係有少少水漬既.
沒有留言:
張貼留言